Dihaan main hai phir chehra ek mah'taabi sa

Aasmaan kay rangon main hai rang sha'haabi sa 

Dihaan main hai phir chehra ek mah'taabi sa

Phir haw chali shayed bhoolay bisray khwaabon ki 

Dil main uth raha hai kuch shouq aztraabi sa

Tum ajeeb qatil ho , rooh qatal kartay ho 

Daaghtay ho phir maatha chaand ki ra'kaabi sa

Harf pyaar kay saray aa gaye thay aankhon main 

Jab liya tha haathon main chehra woh kitaabi sa

Kon keh gaya hai mout tootnay se aati hai 

Phool ne bikhar kar baagh kar diya gulaabi sa

Manzaron ne kirno ka perahan jo pehna hai 

Main ne us ka rakha hai naam aaf'taabi sa

Boond boond hoti hai rang-o-noor ki barkha 
Jab se mousam aya hai nainon main shraabi sa