Jis qadar jurm baaqi hain merya naam kar do
Her be'wafa kahaani ka intisaab meray naam kar do
Aik lamhay ki khata ne kar di raiygaan sab riaazatain
Ab saza'on ka her baab meray naam kar do
Dhalti shaam main chragh jala diye teray intizaar kay
Aahat-e-qadmon kay sab saraab meray naam kar do
Suna hai meri yaad main neendain toot jaati hain us ki
Keh do ussay bilaktay woh sab khwaab meray naam kar do
Teri aankhon kay muskuraatay ashk mujhay qabool hain
Le lo meri hansi apnay gohar-e-na'yaab meray naam kar do
No comments:
Post a Comment