MAin raat kay parday par ik naqsh banaata hoon
Phir waqat-e-fajar aap ussay mitaata hoon
Na jaanay kab loat aye woh dil ka bhoola panchi
Aangan ki tooti kamand pe her shaam aik diya jalaata hoon
Meri talwarain zang alood hain main madad-e-ghaib ka mutlaashi hoon
Dekh meri saadgi-e-dil kaisay kaisay butt banaata hoon
Aik bharosa tha teri cahhat par woh bhi chakna choor hua
Chun kar in tukron ko ik naya lafz banaata hoon
Qasmain-e-waday ehad-e-paymaan sab baatain hain puraani si
Kuch dair to tehro kuch naya harf dhoond kay laata hoon
No comments:
Post a Comment