Khaima-e-dil ko thaam likhta hoon
Tujh ko duniya kay kaam likhta hoon
Haan ba'sad ehtraam likhta hoon
Yaar-e-yaaran! salaam likhta hoon
Is muqarar-e-fikar-e-a'laa par
Apna ad'naa kalaam likhta hoon
Meri kam'zarfiyon ko jaanay do
Youn hi tohfay pe naam likhta hoon
Kho gaye kaaghazi khatton kay din
Ab to barqi payaam likhta hoon
Tum na suntay to main bhi kiyon likhta
Yeh jo main subh-o-shaam likh raha hoon
Kar kay naasir ka zikar , aaj Imran
Shair-e-aali maqaam likh raha hoon
No comments:
Post a Comment