Kisi nazar ko tera intizaar aaj bhi hai
Kahan ho tum , keh yeh dil be'qaraar aaj bhi hai
Woh wadiyaan woh fizaein keh hum milay thay jahaan
Meri wafa ka wahin par mizaar aaj bhi hai
Na janay dekh kay kiyon un ko yeh hua ehsaas
Keh meray dil pe unhain ikhtayaar aaj bhi hai
Woh pyaar jis kay liye hum ne chor di duniya
Wafa ki raah main ghayal woh pyaar aaj bhi hai
Yaqeen nahin hai magar aaj bhi yeh lagta hai
Meri talaash main shayed bahaar aaj bhi hai
No comments:
Post a Comment