Sitaaray tim'tamaatay hain to koi yaad aata hai
Nazaray geet gaatay hain to koi yaad aata hai
Ussay aana nahin wapis magar yeh phir bhi haath apnay
Dua ko jab bhi utha'tay hain to koi yaad aata hai
KAbhi jugnoo kabhi taaray kabhi gunchay kabhi baadal
Hamara dil jalaatay hain to koi yaad aata hai
Bhout koshish se bhi hum us sitam'gar ko nahin bhulay
Kahin bhi dil lagaatay hain to koi yaad aata hai
Abhi raaston main bikhri hai mehak pehli rafaqat ki
Kisi se milnay jaatay hain to koi yaad aata hai
Hamari shairy pe ab bhi us ki hukam'raani hai
Ghazal jab sunaatay hain to koi yaad aata hai
No comments:
Post a Comment