Hisaab-e-tark-e-taaluq tamaam main ne kiya
Shuru us ne kiya ikhtataam main ne kiya
Mujhay bhi tar-e-mohabbat yeh hairatain bhi rahin
Jo kaam mera nahin tha woh kaam main ne kiya
Woh chahta tha keh dekhaye mujhay bikhartay huye
So is ka jashan basad ehtamaam main ne kiya
Bhout dino main meray ghar ki khamoshi tooti
Khud apnay aap se ek din kalaam main ne kiya
Us aik hijar ne milwa diya wasal se bhi
Keh tu gaya to mohabbat ko aam main ne kiya
Woh aftaab jo dil main dharak raha tha Imran
Ussay supurd-e-shafaq aaj shaam main ne kiya
No comments:
Post a Comment