Saath roti thi meray , saath hansa karti thi
Woh larki jo meray dil main basa karti thi
Meri chahat ki talab'gaar is darja thi keh woh
Musalay pe nimaazon main dus karti thi
ik lamhay ka bicharna bhi giraan tha us ko
Rotay huye mujh ko khud se juda karti thi
Meray dil main raha karti thi dharkan ki tarah
Aur saye ki tarah saath chala karti thi
Rog dil ko laga baithi anjaanay main
Meri aaghosh main marnay ki dua karti thi
Baat qismat ki hai faraz , juda ho gaye hum
Warna woh to mujhay taqdeer kaha karti thi
No comments:
Post a Comment