Yeh jo dewanay se do chaar nazar aatay hain
In main kuch saahib-e-israar bhi nazar aatay hain
Teri mehfil ka bharam rakhtay hain so jaatay hain
Warna yeh log to be'daar nazar aatay hain
Door tak koi sitaara hai na koi jugnoo
Marg-e-umeed kay asaar nazar aatay hain
Meray daman main shraaron kay siwa kuch bhi nahin
Aap phoolon kay kharidaar nazar aatay hain
Kal jissay choo nahin sakti thi farishton ki nazar
Aaj woh ronq-e-bazaar nazar aatay hain
Hashar main kon gawahi meri de ga sagar
Sab tumhaaray hi taraf'daar nazar aatay hain
No comments:
Post a Comment