Yeh jo zeest ka safar hai

 Yeh jo zeest ka safar hai

Yeh jo raasta hai mera

Tum agar na saath do gay

To yeh kis tarah katay ga

Meri soch ki hadon tak

Yeh gumaan bhi kaisay aaye

Koi pal bina tumharay

Bhala kaisay beet jaye

Meray paas tum nahin ho

Meray paas kab nahin ho

Meri yaad kay nagar main

Meray khwaab kay safar main

Meri soch ki tehon tak

Meri aankh kay bhanwar main

Meray dil main jaan main tann main

Meri hasraton kay ban main

Meray dil ki tairagi main

Meri shb ki roshni main

Haan tumhi ho , her jaga ho

Meray paas tum nahin ho

Meray paas kab nahin ho

Meri her dua ka mehwar

Bas ik aarzoo tumhari

Isi aarzoo se aagay

Koi raasta nahin hai

Tumhain kis qadar hai chaha

Yeh tumhain pata nahin hai