Saal ka aakhri din hai
Abhi kuch dhoop hai lakin
Zara si dair ko teh hai keh aakhri shaam hona hai
Haqeeqat ya kahaani jo bhi hai anjaam hona hai
Chalo mil baith kay apnay khasaaray baant letay hain
Sab hi rang aur jugnoo aur sitaaray baant letay hain
Zara si dair ko teh hai keh aakhri shaam hona hai
Haqeeqat ya kahaani jo bhi hai anjaam hona hai
To kiyon na kuch shaam se pehlay
Jo kuch ghariyaan muyssar hain
Un hi main zindagi kar lain
Kisi ehsaas ki shamma jala kar
In andheron main
koi dam roshni kar lain
Chalo hum dosti kar lain
Zara si dair ko teh hai keh aakhri shaam hona hai
Haqeeqat ya kahaani jo bhi hai anjaam hona hai
No comments:
Post a Comment