Aiyaan ho kar bhi hijaabon main rahay
Zubaan thi magar be'zubaano main rahay
Ajab asool hain ehal-e-dard kay yahaan
Zakham kha kar bhi muskurahaton main rahay
Dhoondnay walay sagar ki teh se motti nikaal laye
Khouf-e-Aab is qadar ghalib tha keh hum kinaaron main rahay
Do gaam chaltay to kamraani qadam choom leti
Kuch log mehav-e-khwaab thay so khwaabon main rahay
Taaj-o-takht qadmon main paray muntazir thay aik nazar-e-inaayat kay
Hum sadaa kay darwaish thay so faqeeron main rahay
Log to gunnah bhi sajaatay hain seeno pe tamghon ki tarah
Hum se hui lamhay ki lagzish to barson sazaon main rahay
Fursat milti to mitta letay Tehreer-e-hijar , loh-e-taqdeer se
Aalam-e-be'khudi main bas guzray chand anmol lamhon ki yaadon main rahay
No comments:
Post a Comment