Kaha us ne zamana dard hai aur tum dawa jaisay
Laga tum se mohabbat hai mujhay us ne kaha jaisay
Talab ki us ne jab mujh se mohabbat ki wazahat to
Bataya dasht kay honton pe baarish ki dua jaisay
Kaho Ae gul kabhi khushboo ka tum ne aks dekha hai
Kaha Qos-e-qaza kay saray rangon ki sada jaisay
Sunno khwaish ki lehron par sambhalna huwa kiyon mushkil
Bataya paaniyon par khwaab ki rakhi bana jaisay
Sunno aankhon hi aankhon ka bayaan kaisa laga tum ko
Lagaa phoolon se sargoshi see karti hai saba jaisay
No comments:
Post a Comment