Kya sochtay rehtay ho sada raat gaye tak
Kis qarz ko kartay ho adaa raat gaye tak
Thak haar kay Aa baitha hai dehleez pe teri
Deedar ko mohsin hai gadaa raat gaye tak
Aa toor pe chaltay hain abhi raat hai baaqi
Shayed hamain mil jaye khuda raat gaye tak
Shamma teri Aamad ko jalein thein sar-e-shaam
Hotay rahay parwanay fida raat gaye tak
Kuch Aalam-e-tanhai main Ashkon ne diya saath
Aankhein rahi sailaab zada raat gaye tak
Mohsin ko shab-e-wasal mila jaam ba'mushkil
Ho paye na phir dono juda raat gaye tak
No comments:
Post a Comment