Main kab kehta hoon woh acha bhout hai
MAgar us ne mujhay chaha bhout hai
Khuda is shaher ko mehfooz rakhaye
Yeh bachon ki tarah hansta bhout hai
Issay Aansoo ka ik qatra na samjho
Kunwaan hai aur yeh gehra bhout hai
Ussay sohrat ne tanha kar diya hai
Samandar hai magar piyaasa bhout hai
MAin ek lamhay main sadiyan dekhta hoon
Tumharay saath ek lamha bhout hai
Mera hansana zaroori ho gaya hai
Yahan her shakhs sanjeeda bhout hai
No comments:
Post a Comment