Agar tumhain ho qabool jaana

Agar tumhain qabool ho jaana 

Falak kay tabinda chand sitaray 

Yeh wadiyon kay gulaab saaray 

Woh ka'kul-e-shab ki hashar sazi 

Woh Aariz-e-subha kay sab nizaray 

Woh chashm-e-saahir kay shair pyaaray 

Agar kaho to bana dain taaray 

Tumharay qadmon ki dhool jaana 

Agar tumhain ho qabool jaana 

Agar tumhain ho qabool jaana 

Tumhari aankhon ko jaam likhein 

Tumhain nazar se salam likhein 

Aur apnay dil kay haseen warq par 

Faqat tumhara hi naam likhein 

Jahan ki her aik naghmagi ko 

Tumhara tarz-e-kalaam likhein 

Agar ijaazat ho hum bhi kar lain 

Yeh pyaar ki ik bhool jana

Agar tumhain ho qabool jaana 

Agar tumhain ho qabool jaana 

To aankh main tehehro , ghar ki surat 

Raho nazar main nazar ki surat 

Hamaray dil ki sadaf main aayo 

Wafa kay sachay ghar ki surat 

Hamari tareekiyon ki shab main jana

Chalo jo najam-e-sehar ki surat 

Tumhari chahat ki nazar kar dain 

Yeh aarzo'on kay phool jana 

Agar tumhain ho qabool jaana