-.png)
Jo tum ne thaan hi li hai
Hamaray dil se niklo gay
To itna jaan lo pyaaray
Samandar samnay ho ga agar saahil se niklo gay
Sitaray jin ki aankhon ne hamein ek saath dekha tha
Gawahi denay aayein gay
Tumhain wapis bulaaein gay
Kai waday fasadi qarz khawahon ki tarah rastay main rokein gay
Tumhein daman se pakrein gay
Tumhari jaan khaein gay
Chupa kar kisi se chehra
Bharri mehfil se niklo gay
Zara phir soch lo jana
Nikal to jaao gay shayed
Magar mushkil se niklo gay
No comments:
Post a Comment