-.jpg)
Aks-e-khushboo hoon , bikharnay se na rokay koi
Aur bikhar jaaon to mujh ko na samaitay koi
Kaamp uth'ti hoon main yeh soch kay tanhai main
Meray chahray pe tera naam na parh lay koi
Jis tarah khwaab meray ho gaye reza reza
IS tarah se na kabhi toot kay bikhray koi
MAin to uss din se haraasan hoon keh jab hukam milay
Khushk phoolon ko kitabon main na rakhye koi
Ab to is raah se woh shakhs guzarta bhi nahin
Ab kis umeed pe darwaze se jhankay koi
Koi aahat , koi awaz, koi chaap nahin
Dil ki galiyaan bari sunsaan hain aaye koi
No comments:
Post a Comment