-.jpg)
Harf-e-taza nayi khushboo main likha chahta hai
Baab ik aur mohabbat ka khulla chahta hai
Ik lamhay ki tawajo nahin hasil us ki
Aur yeh dil keh ussay had se siwa chahta hai
Ik hijaab teh-e-iqraar hai maaneh warna
Gul ko maloom hai kiya dast-e-saba chahta hai
Rait hi rait hai is dil main musafir meray
Aur yeh sehraa tera naqsh-e-kaf-e-paa chahta hai
Yahi khamoshi kai rang main zahir ho gi
Aur kuch roz keh woh shokh khila chahta hai
Raat ko maan liya dil ne muqaddar lakin
Raat kay haath pe ab koi diya chahta hai
Parveen shakir
No comments:
Post a Comment