Anjaam-e-ishq , gardish-e-halaat daikh lay
Aankhon se meri hasrat-e-na'kaam daikh lay
Tujh ko kisi maqaam pe ruswa nahin kiya
Sir pe liya hai main ne hi ilzaam daikh lay
Mero mohabbaton ka tujhay gar yaqeen nahin
Yaadon kay jugno'on ko sar-e-shaam daikh lay
Teray liye main mout kay munh main poonch gaya
Aa meray intizaar ka anjaam daikh lay
Teray baghair shaher hi sara ujar gaya
Soonay paray huye hain dar-o-baam daikh lay
Dil kay warq warq pe baray ehtraam se
Ashkon se likh diya hai tera naam daikh lay
Youn to hai sara shaher teri zulf ka aseer
Hoon teray ishq main badnaam daikh lay
No comments:
Post a Comment