Bharosa cheez hai aisi juda honay nahin de ga
Muqaddas pyaar hai apna khata honay nahin de ga
Bhatak jayein gay raahon main bichar jayein gay hum dono
NA ghabraao kabhi aisa khuda honay nahin de ga
Zamanay main jo teri soch kay bilkul mukhalif ho
YEh dil aisa koi bhi faisala honay nahin de ga
Qasam teri jala doon ga main us ko apni Aahon se
Agar yeh shaher apna rabta honay nahin de ga
Youn hi apni mohabbat yeh agar parwaan charhti hai
To yeh phir waqat bhi hum ko juda honay nahin de ga
Bura insaan nahin hota , bura kirdaar hota hai
Bura kirdaar hi kisi ko acha honay nahin de ga
Tu apnay khuda par yaqeen gar yaar rakhta hai
Siwa teray basy koi nida honay nahin de ga
No comments:
Post a Comment