Bisat-e-umar par mujh ko khasara ho raha tha
Main suraj reh chuka tha , ab sitara ho raha tha
Ba'zahir khaak uraanay ki baatein ho rahi thein
Haqeeqat main meri jaanib ishaara ho raha tha
Guzray jaa rahay thay meri aankhon se manzir
Aur is tarteeb se mera nazaara ho raha tha
Hum raaz khaal-o-khad ne teri aankhein dekh li thein
So aainay main pathar Aashkaara ho raha tha
Bulandi ki sadaein door hoti jaa rahi thein
Naseebon se mujhay aisa ishaara ho raha tha
No comments:
Post a Comment