Hum karein baat daleelon se to radd hoti hai
Uss kay honton ki khamoshi bhi sanad hoti hai
Saans letay huye insaan bhi hain laashon ki tarah
Ab dharaktay huye dil ki bhi lahad hoti hai
Apni awaz kay pathar bhi na un tak ponchay
Uss ki aankhon kay ishaaray main bhi zad hoti hai
Jis ki gardan main hai phanda wohi insaan bara
Sooliyon se yahan paimaish -e-qad hoti hai
Shuabda gar bhi pehanatay hain khateebon kay libaas
Bolta jahan hai badnaam khurad hoti hai
Kuch na kehnay se bhi chin jaata hai Aizaz-e-sukhan
Zulam sehnay se bhi zaalim ki madad hoti hai
No comments:
Post a Comment