Hum to kal bhi kehtay thay
Apnay aks ki kaalak
Dhul sakay to dho dalo
Aks ki sabahat ko
"Bars" chaat leta hai
Hum to kal bhi kehtay thay
Apni tehrri aankhon kay
Tirchay zawiye badlo
Zawiye jo tirchay hon
Mustaqeem raahon ka
Kab suragh milta hai ?
Aainay ki azmat se
An hiqaartein kaisi ?
Aks se guraizan hain
Ab bisartein kaisi?
Apnay aap se kab tak ?
Youn nazar churao gay
Aaina jo toro gay
Khud bhi toot jaao gay
Poet :~ Mohsin Naqvi
No comments:
Post a Comment