Pathar ba'dast hum ko yahan her bashar mila
Khud ko mitta diya to kahin jaa kay ghar mila
Auron ki zaat se ussay nisbat hai is qadar
Woh raaz'daar hum se sada be'khabar mila
Sehra ka abar liye barson kiye tawaaf
Aankhein wuzoo hi kar sakay bas is qadar mila
Kuch to samandron main utarna muhaal tha
Aur rastay ki dhool main kisi ko gohar mila
Manzil mili na raat ki chadar simat saki
Bujhta hua sa deep hamein dhoond kar mila
Aur aakhir woh so gaya palkon ko mond kar
Ik bheega sa khawab hamein khaak par mila
Dil ka sakoon hum ne ganwa to diya batool
Ik la'zawal kurb-e-musalsal magar mila
No comments:
Post a Comment