Puraani kitaab main rakhi tasveer se baatein
Aaj barson kay baad dekha hai
Ab bhi aankhon ka rang gehra hai
Aur maathay ki sanwali si lakeer
Dil main kitnay diye jalaati hai
Teri qamat kay saaye ki khushboo
Guftagoo main bahaar ka mousam
Be'sabab Aitabaar ka mousam
Kiyon mujhay saray dhang yaad rahay
Kitni hairaan ho gayi khud pe
Main tujhay aaj tak nahin bhuli
Pichlay mousam ki yaad baaqi hai
Noshi Gilani
No comments:
Post a Comment