Shaher main teri paziraayi na honay doon gi
Tu mera hai tujhay harjaai na honay doon gi
Chup rahoon gi jo kahay ga koi tujh ko majnoo
Iss se barh kar teri ruwaai na honay doon gi
Yaad aayon gi tujhay achay dino ki surat
Main mukamal teri tanhai na honay doon gi
Jaanti hoon keh mera hona hai us se mashroot
Apnay dushman ki main pas'paai na honay doon gi
Achay lagtay hain mujh ko parinday lakin
Us ko un ka bhi taman'naai na honay doon gi
No comments:
Post a Comment