Bichartay waqat in aankhon ka bhar jaana zaroori tha
Tumharay bin mera chup chaap mar jana zaroori tha
Main hans kar jhail leta dil pe saray waar qismat kay
Mujhay ba'khabar kar deta agar jana zaroori tha
Meri aankhon main apanay aks ko tum dekh na paye
So mera be'niazi se guzar jana zaroori tha
Qabal is kay dono bad'gumaani main ulajh jaatay
Meray hum'dam mera tujh se bichar jana zaroori tha
Main jeevan kay safar main hans kay sab kuch seh gaya
Lakin jo tum bichray to phir mera bikhar jana zaroori tha
No comments:
Post a Comment