Tumhara khat mila jaana !!
Woh jis main tum ne poocha hai
Keh ab halaat kaisay hain
Meray din raat kaisay hain
Meharbaani tumhari hai keh
Tum ne is tarah mujh se
Meray halaat poochaye hain
Meray din raat poochaye hain
Tumhain sab kuch bata doon ga
Mujhay itna bata do keh
KAbhi sagar kinaray par
Kisi machali ko dekha hai
KEh jis ko lehrain pani ki
Kinaray tak to laati hain
Magar phir chor jaati hain
Meray halaat aisay hain
Meray din raat aisay hain
No comments:
Post a Comment