Woh ashk ban kay meri chashm-e-tar main jab aaya
Sha'oor soz-e-mohabbat ka mujh ko tab aaya
Adhooray pan ka tamasha hai meray chaaron taraf
Yahan pe koi nahin , jis kay hissay main sab aaya
Phir us kay baad zubaan qaid ho gayi meri
Bas ik baar tera naam zer-e-lab aaya
Na sajda haaye aqeedat main be'khudi utri
Na khaak-e-hasto ko utarnay ka koi dhab aaya
Jissay yaqeen ho awaragi kay maslik par
Ussay khayal dil-o-dar'badar ka kab aaya
Ameer-e-shaher ne Aahon pe jab saza rakh di
Ghreeb-e-shaher ko tab yaad apna Rab aaya
Sufaid ho gaye jo sar kay baal bhi
Hamaray gaaon ka beta palat kay ab aaya
No comments:
Post a Comment