Youn ba'kamaal huye her kamaal se pehlay
Jawaab dhoondnay niklay sawaal se pehlay
Jab imtihaan ho karri shart kamraani ki
Khushi khushi se milay gi kamaal se pehlay
Fana ki had se hoon ab intizaar-e-mehndi main
Zawaal aanay ko hai la'zawaal se pehlay
Yeh kis lahoo ki hai surkhi shafaq kay maathay pe
Misaal kon si hai be'misaal se pehlay
Jab intedaab-e-nakeerain hain jaza-o-saza
Phir ehtisaab hai kiyon intiqaal se pehlay
Tum apnay zarf kay Aousaaf khoob ginwaao
Woh tor de ga sabhi istimaal se pehlay
Her ik rang pe Mohsin ka rang taari hai
Haseen woh hi tha husan-o-jamaal se pehlay
No comments:
Post a Comment