Yeh ajeeb meri mohabbatein

Yeh ajeeb meri mohabbatein

Yeh ajeeb meri mohabbatein 

Koi pooch lay to main kya kahoon 

Ussay kya bataon 

Yeh roz-o-shab to janam janam pe moheet hain 

Meray zakham zakham dil-o-nazar 

Mujhay is janam main nahin milay 

Meray rat'jagay meray hamsafar

Meray saath aaj nahin chalay 

Yeh moheeb wehshat-e-fikar jo 

Meray naqsh naqsh ki rooh hai 

Koi be'sabaat biyaan nahin 

Yeh to Aat'maao'on ka aks hai

Yeh to devtaa'on ka dihaan hai 

Yeh to janay kaisi 

Saddi saddi  ki aziyaton ka giyaan hai 

Yeh ajeeb meri mohabbatein 

Yeh ajeeb meray gham-o-alam 

Yeh naseeb sang-e-siyah par

Yeh warq warq par garhay qalam

Yeh karra hisaar naya nahin 

Mera intizaar qadeem hai 

Yeh ajeeb meri mohabbatein