Bas aik shakhs hi kul kainaat ho jaisay
Nazar na aaye to din main bhi raat ho jaisay
Meray labon pe tabasum hai mojzan ab tak
Keh dil ka tootna chooti si baat ho jaisay
Shab-e-firaaq mujhay aaj youn daraati hai
teray baghair meri pehli raat ho jaisay
Usi ki yaad ki yeh bhi to ik karamat hai
Hazaar meel par ho kar bhi saath ho jaisay
Tera salook mujhay roz zakhm taza de
Kisi ko pehli mohabbat main maat ho jaisay
No comments:
Post a Comment