Ishq main jeet hui ya maat
Aaj ki raat na chairr yeh baat
Youn aaya woh jaan-e-bahar
Jaisay jag main phailay baat
Rang khilay sehra ki dhoop
Zulf ghannay jungle ki raat
Kuch na suna aur kuch na kaha
Dil main reh gayi dil ki baat
Yaar ki nagri koson door
Kaisay kattay gi bhaari raat
Basti walon se chup kar
Ro letay hain pichli raat
Snaaton main suntay hain
Suni sunaai koi baat
Phir jaaray ki rutt aayi
Chotay din aur lambi raat
No comments:
Post a Comment