Yeh eid sanam teri judai main guzar jaaye gi
Baat khanjar si dil main utar jaaye gi
Phoot niklay ga aankhon main sailaab-e-gham
Be'basi liye phir dar-ba'dar jaye gi
Toot jaye ga jab ishq ka sab bharram
Aarzoo seenay main kat kay mar jaye gi
Log poochein gay youn bicharnay ka sabab
Her gali main jo apni khabar jaye gi
Chand nazron se posheeda ho jaye ga
Zulf rukh pe parishaan bikhar jaye gi
Sochta tha tumharay haseen saath main
Zindagi ik din phir sudhar jaye gi
Door tak hon gay Aryaan toofan-e-gham
Jahan tak tumhari nazar jaye gi
Yeh eid sanam teri judai main guzar jaye gi
No comments:
Post a Comment