Kis ko gumaan hai ab keh meray saath tum bhi thay
Haye woh roz-o-shab keh meray saath tum bhi thay
Yadish ba'khair ehad-e-guzishta ki sohbatein
Ik dour tha ajab keh meray saath tum bhi thay
Be'mehri hayat ki shiddat kay ba'wajood
Dil mut'maein tha jab keh meray saath tum bhi thay
Main aur taqabil-e-gham-e-doran ka hosla
Kuch ban gaya sabab keh meray saath tum bhi thay
Ik khawaab ho gayi hai rah-o-rasm-e-dosti
Ik weham sa hai ab keh meray sath tum bhi thay
Woh bazam-e-dost yaad to ho gi tumhein Faraz
Woh mehfil-e-tarb keh meray saath tum bhi thay
No comments:
Post a Comment