Raat kay pichlay pehar ronay kay aadi roye
Aap aaye bhi magar ronay kay aadi roye
Un kay aa janay se kuch tham se gaye thay aansoo
Un kay jaatay hi magar ronay kay aadi roye
Haye pabandi-e-adaab teri mehfil ki
Keh sar-e-rag'guzar ronay kay aadi roye
Aik taqreeb-e-tabasam thi baharan lakin
Phir bhi aankhein huein tar ronay kay aadi roye
Dard mandon ko kahin bhi to qaraar aa na saka
Koi sehra ho keh ghar ronay kay aadi roye
Ae Faraz aisay main barsaat kattay gi kiyon kar
Gar youn hi shaam-o-sehar ronay kay aadi roye
No comments:
Post a Comment