Ae dost ! yahan veerano ko gulzaar samjhna parta hai
Kuch oonchi neechi raahon ko hum'waar samjhna parta hai
Ehsaas kay ultay paaon se jab chaltay chaltay thak jayein
To raah'guzar ko ae rahi dewar samjhna parta hai
Majrooh ma'eeshat kay haathon insan ka ab yeh aalam hai
Her zakham laganay walay ko gham'khwar samjhna parta hai
Jab shahi qabaon ki khatar kuch jism bar'hana ho jayein
Us waqay ghulamon ko "Saghar" mukhtaar samjhna parta hai
No comments:
Post a Comment