Sitam jaagtay hain , karam so rahay hain
Mohabbat kay jaah-o-hasham so rahay hain
Meray nikta sazo ! Sukhan kay khudao !
Pukaro ! KEh loh-o-qalam so rahay hain
Her ik zehan main hai khudai ka dawa
Her ik Aasteen main sanam so rahya hain
Yahan khawab-e-rahat faraib-e-yaqeen hai
NA tum so rahay ho , na hum so rahay hain
Wahan chandani kay qadam doltay hain
Jahan teray naqsh-e-qadam so rahay hain
Ta'khiyal main hain gaiso'on kay bahanay
Nigahon main rangeen bharram so rahay hain
Meri ujri ujri si aankhon main "Saghar"
Zamanay kay ranj-o-alam so rahay hain
No comments:
Post a Comment