Jazba-e-soz-e-talab ko be'karan kartay chalo
Zarhay zarhay ko chragh-e-karwan kartay chalo
Chasham-e-saqi par tabasum-e-meh'kada behka hua
Aao , qismat ko hareef-e-keh'kishan kartay chalo
Jin se zinda ho yaqeen-o-Aagahi ki Aabru
Ishq ki raahon main kuch aisay guman kartay chalo
Zindagi ko log kehtay hain bara-e-bandagi !
Zindagi kat jaye gi zikar-e-buttan kartay chalo
Her nafs ae jeenay walo ! shughal-e-paymana rahay
Be'khudi ko zindagi ka paas'ban kartay chalo
Toor par moqoof kiyon ho her taj'jali ki jhalak
Tootay phootay jhompray jalwa fishan kartay chalo
Chairr kar "Saghar" kisi kay gaiso'on ki dastaan
Laal-o-gul ko zara shola zuban kartay chalo
No comments:
Post a Comment