Pairon talay zameen to sar par gagan bhi hai
Baitha hoon gham zada keh yeh tera shagan bhi hai
Mehav-e-gham-e-hayat hain aur khouf mout ka
Lakin hamaray dil main kisi ki lagan bhi hai
Jhulsaa rahi hai Manzaron ko dhoop mehar ki
Lakin woh Aftaab keh saya fagan bhi hai
Tujh se mohabatein to bhout ho chukiein ae dost
Is ghoomti zameen kay ooper gagan bhi hai
Main hoon keh bad'gumaan hoon us ki taraf se "Saad"
Woh hai keh meri zaat main yaksar magan bhi hai
No comments:
Post a Comment