Apna dil thaam kisi yaad ki dehleez pe aa
"Aa kisi shaam kisi yaad ki dehleez pe aa"
Dekh aatay hain nazar tujh ko manazir kaisay
Le mera naam kisi yaad ki dehleez pe aa
Ab to her gaam zaroorat hai teri yaadon ki
Ab to her gaam kisi yaad ki dehleez pe aa
Gham-e-duniya na kahin cheen lay tujh ko mujh se
Chor sab kaam kisi yaad ki dehleez pe aa
Aaj ki shaam mana'na hai teray gahm ko mujhay
Aaj ki shaam kisi yaad ki dehleez pe aa
No comments:
Post a Comment