Badal gaye meray mousam to yaar ab aaye
Ghamon ne chaat liya gham'gusaar ab aaye
Yeh waqat is tarah ronay ka to nahin lakin
Main kya karon keh meray so'gawaar ab aaye
Woh dhoop dhoop hi main ho gaya basar chup chaap
Shajar shajar pe meray barg-o-baar ab aaye
Woh jin pe dhoka sa jhela tha hum ne manzil ka
Woh qaaflay to sar-e-raah'guzar ab aaye
Na daliyon pe koi phool hai na honton par
Maza to jab hai keh baad-e-bahar ab aaye
No comments:
Post a Comment