Be'chain hawa mat bol piya kay lehjay main
Mera dil na jala mat bol piya kay lehjay main
Mera kitna hai us ki sada kay shak par bhi
Kuch khouf-e-khuda mat bol piya kay lehjay main
Mujhay us ki khushbu hijar kay zakham pe lagti hai
Ae baad-e-saba mat bol piya kay lehjay main
Main pehlay hi barbaad hoon is dil kay haathon
Mujhay gham na laga mat bol piya kay lehjay main
Dukh bol raha tha bilkul us kay lehjay main
Phir main ne kaha mat bol piya kay lehjay main
No comments:
Post a Comment