Bicharnay kay zamanay aa gaye hain
Ussay kitnay bahanay aa gaye hain
Udasi main ghar se rehtay thay jab hum
Woh saray din puranay aa gaye hain
Nahin hain khush gira kar arsh se bhi
Zameen se bhi uthanay aa gaye hain
Woh hum pe muskuranay aa gaye hain
Naya ik gham laganay aa gaye hain
Kisi ki mout kay asaar dil main
Saf-e-maatam bichanay aa gaye hain
Bata do mousam-e-girya ko Farhat
Keh hum ronay rulanay aa gaye hain
No comments:
Post a Comment