Khawab
Main ne tumhein khawab main dekha hai
Aur tum se mila hoon
Aik dukh denay walay khawab main
Phir bhi mujhay laga main baidaar ho gaya hoon
Kisi gehri aur dhund alood neend se
Meri gham'zada baydari mujhay hairat se taknay lagi
Aur main tumhein taknay laga
Tum mujhay waisay nahin lagay
Jaisay tum ho
Main ne tumhein aisa dekha
Jaisay meray dil main tha
Aik dukh denay walay khawab main aur kya dekha jaa sakta hai
Wohi na ! jo sach nahin hota
Main ne socha
Mujhay so jana chahiye
Main en khawab ko lapeta aur takiya bana kay
Ehtiyaat kay saath bistar kay neechay rakh liya
No comments:
Post a Comment