Charon janib phail gaya hai
ik rasta ik gham
Jaisay koi dheeray dheeray
Kheench raha ho dam
Charon janib ......
Jahan bhi jaon saath main tera rasta bhi aa jaye
Jaisay naari gutt lehraa'ey ya nagan bal khaye
Youn bhi na koi dil walon kay tann mann main bas jaye
Charon janib ......
Dil se teray darwaze tak teri aas bichi hai
Jahan jahan tak nazrein jayein peeli ghaas bichi hai
Saath main ik rasta hai jis par teri baas bichi hai
Charon janibphail gaya hai .....
Aankhon main kuch aan basa hai mujh ko aisa laagay
Ya koi khawaish bal khaye ya koi sapna jaagay
Ya tera rasta hai janaa dil kay aagay aagay
Charon janib phail gaya hai
ik rasta ik gham
Jaisay ko dheeray dheeray
kheench raha ho dam
No comments:
Post a Comment