Husan-o-jamal kay bhi zamanay nahin rahay
Aankhon main us kay khawab sohanay nahin rahay
Milnay ko aa hi jata hai her chand roz baad
Lagta hai us kay paas bahanay nahin rahay
Larzish hai haath main to nazar bhi hai dhundli
Pehlay se ab woh dil kay nishanay nahin rahay
Uthti nahin hain shouq-o-tajas'sus kay ba'wajood
Aankhon kay kitnay kaam puranay nahin rahay
Kamray se bhar gaye hain , masail ki gard se
Dil main teray khayal kay khanay nahin rahay
No comments:
Post a Comment