Dard ka ghaza ubhar aaya hai meray rukhsaar par
Aik aansoo kya utar aaya meray rukhsaar par
Dekh kitni roshni bikhri hai chehray par meray
Dekh tera gham nikhar aaya meray rukhsaar par
Aankh se thorri tak rangon se pur tha raasta
Ik qatra kya sanwar aaya meray rukhsaar par
Ik haya ne jaisay bhar dein khali shari'yanein meri
Rang bhi dekho kidher aaya meray rukhsaar par
Tam'tama uthi zamanay bhar kay sehraon ki rait
Aks jazbon ka nazar aaya meray rukhsaar par
No comments:
Post a Comment