Hijar ki raat chor jati hai
Nit nayi baat chor jati hai
Ishq chalta hai ta'abad lakin
Zindagi saath chor jati hai
Dil biya'bani saath rakhta hai
Aankh barsaat chor jati hai
Chah ki ik khasu'siyat hai keh yeh
Mustaqil maat chor jati hai
Marhalay is tarah kay bhi hain keh jab
Zaat ko zaat chor jati hai
Hijar ka koi na koi pehlu
Her mulaqaat chor jati hai
No comments:
Post a Comment